Къырымнынъ дженюбий ялысында энъ яхшы джаз тедбирининъ темельджиси, «Россия Сегодня» халкъара информацион агентликнинъ генераль мудири Дмитрий Киселёв иштирак эткен коллективлерге тешеккюрлер бильдирди ве 2021 сене Koktebel Jazz Party фестивали кечириледжек куньлерни сеслендирди.
«Биз фестивалимизни екюнлеймиз. Ич бир алларгъа бакъмадан, музыкагъа садыкълыкъ косьтергенлерге ве бу фестиваль кечирильгени ичюн миннетдарым. Сагъ олунъыз!! Келеджек сене Koktebel Jazz Party айны шу санада августнынъ 20, 21 ве 22 куньлери янгъырайджакъ», – деп, илян этти Киселёв.
О, санагъа 10-яшлы Варвара Киселеванынъ дебютинден сонъ чыкъты. Къыз, Богемская рапсодия иджра этильгенде, SG BIG BAND иле бераберликте Карина Кожевниковагъа аккомпанемент этти.
Koktebel Jazz Party 2020 Карина Кожевникованынъ иштираги иле Сергей Головнянынъ реберлигинде «SG BIG BAND» такъымынынъ чыкъышынен екюнленди.