Джаз ичюн — Кектебельге!

Koktebel Jazz Partyде совет йырларынынъ янъы аранжировкалары янгъырайджакъ

Руководитель Большого джазового оркестра Петр Востоков на пресс-конференции в рамках Международного джазового фестиваля Koktebel Jazz Party - 2020 в Крыму

Русиеде энъ яш ве мувафакъиетли джаз-бэндлерден бири Koktebel Jazz Party 2020 фестивалинде «Катюша» ве «Очи черные» киби мешур йырларнынъ янъы аранжировкаларыны иджра этеджек.

«Биз фестивальни 2014 сене ачкъан эдик, ве энди бизим ерли джазымыз янгъырайджакъ» – деп, тариф этти Буюк джаз оркестрининъ ребери Петр Востоков.

Ансамбль 1920-40-джы сенелер услюбиндеки музыканы иджра эте, ве, оркестрнинъ ребери айткъанына коре, акъикъий джаз – бу конкрет бир иджраджынынъ, онынъ тасиль алув ве шекилленювининъ тарихы.

«Биз япкъан эр шейлер – бу услюплештирюв, яни стилизация дегиль, бу биз корьген джаздыр. Бугунь толусынен янъы программа янгъырай, о, бутюн дюньяда белли, совет девирининъ нагъмелеринен багълы. Бойле композициялар чокъ, мисаль оларакъ, Чайковский, Варламов кибилернинъ музыкасы, – деп, къайд этти коллективнинъ иштиракчиси Денис Силантьев.

Петр Востоков эм де хатырлатты ки, ансамбль тезден 10 яшыны толдураджакъ, ве юбилей себебинден коллектив 23 концерт береджек, бу эр бир иштиракчининъ шерефине.

Артка