Коктебельде Koktebel Jazz Party халкъара джаз фестивали ачылувы огюнде РИА Новости М.А. Волошиннинъ музей-эвининъ дестеги иле бу, иджадий зиалылар ичюн тимсаль ташыгъан ер боюнджа аудиогид чыкъарды.
Koktebel Jazz Pre-Party къылавузы izi.TRAVEL бедава мобиль иляве вастасынен iOS ве Android тертибатларында къулланмакъ мумкюн. Илявени эндирген сонъ, гид ссылкасыны ачмакъ, я да оны серлевасы боюнджа араштырмакъ мумкюн. Сонъ «Башламакъ» дёгмесине басмалы. Иляве ве гид иле эм онлайн, эм де оффлайн къулланмакъ мумкюн: Koktebel Jazz Pre-Party аудиогиди, атта эвден чыкъмайып, Коктебельде кезинмеге имкян бере.
2003 сене Koktebel Jazz Party джаз фестивали кечирильген ер олгъан Коктебель боюнджа аудиогиднинъ маршруты секиз дуракътан ибарет. Онынъ ярдымынен эм де «Киммерия» вилласына ве е и Юнге къорантасынынъ курганына кезинмек мумкюн. Онынъ темель къоювджысы, Санкт-Петербурглы профессор-офтальмолог Эдуард Андреевич Юнге Коктебельде дачаларнынъ темельджиси сайыла. Языджы Викентий Вересаевнинъ сабыкъ дачасында ве Кумюш асырнынъ шаири ве рессамы Максимилиан Волошиннинъ эвинде булунмакъ имкяны бериле. Юрий Киселевнынъ «Киселевка» деп адландырыгъан мешур дачасы олгъан ерни ве чокъусы дигер ерлерни корьмек мумкюн.
Аудиогид маршрутынынъ икяелерини Koktebel Jazz Party фестивалининъ темельджиси, журналист Дмитрий Киселев сеслендирди. Язувларда эм де арт-директор Koktebel Jazz Party фестивалининъ арт-мудири, саксофонджы, бестекяр ве аранжировкаджы Сергей Головня, Русиели боразанджы Петр Востоков, саксофонджы Александр Бриль, пианоджы Даниил Крамер иштирак эттилер.
Къырым язынынъ энъ буюк музыкаль вакъиасы – Koktebel Jazz Party джаз фестивали августнынъ 21 куню башлана. Учь кунь девамында августнынъ 21-ден 23-недже фестиваль сейирджилерини Къара денъиз ялысында Русие ве халкъара джаз усталарынынъ чыкъышлары беклей. Фестивальнинъ толу программасы koktebel-jazz.ru сайтында нешир этильген.
Фестиваль иштиракчилерининъ ве онынъ сейирджилерининъ хавфсызлыгъы темин этильмеси ичюн, фестивальнинъ тешкилий комитети тарафындан коронавирус боюнджа Роспотребнадзор идаресининъ эписи санитар талаплары риает этиледжек.
2020 сененинъ апрель айында Koktebel Jazz Party фестивали «Россия сегодня» халкъара информацион агентлиги ве «Красный квадрат» медиагруппасы иле бераберликте Doctor Jazz Party адлы онлайн-марафонны тешкиль этти. Бойле этип коронавирус пандемиясына къаршы куреш девиринде Русиели тиббийджилерге ве хастаханелерге къолтутылды. Марафон Халкъара джаз куню, апрельнинъ 30-да башланды. О, Рунет лидери, ria.ru сайтында ве ВКонтакте саифесинде РИА Новости агентлигининъ ресмий аккаунтында алып барылды. Doctor Jazz Party адлы онлайн-марафон докъуз мемлекеттен джаз музыкасынынъ йылдызларыны, шу джумледен Русие, Къытай, АКъШ, Бразилия, Япония чалгъыджыларыны бирлештирди. Марафон еди саат девам этти, иштиракчилернинъ чыкъышларыны эки миллионгъа якъын адам сейир этти.
Koktebel Jazz Party Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль) зиярет эттилер. KJP-2017 тедбирининъ мусафири РФ президенти Владимир Путин олды.
Koktebel Jazz Party — бу тек дюнья севиедеки джаз дегиль, бу музыка, денъиз, вуджут ве гонъюльнинъ екяне вибрациясыны догъургъан акъикъий азатлыкътыр. Фестивальни «Россия сегодня» халкъара информацион агентлиги кечире. Фестиваль тешкиль этилювинен «Красный квадрат» адлы медиагруппа огъраша. 2014 сенеден берли Koktebel Jazz Party Русие Федерациясы медениет везирлигининъ дестеги иле кечириле.
Koktebel Jazz Party фестивалининъ информацион шериклери оларакъ ВГТРК, Радио JAZZ 89.1 FM, tvzavr интернет-кинотеатри, TimeOut.ru интернет-ресурс ве радио Sputnik чыкъаджакълар.