Къырым язынынъ энъ буюк музыкаль вакъиасы –Koktebel Jazz Party джаз фестивалининъ (21 – 23 августа) арфесиде Акъмесджит шеэрининъ ава лиманында KJP йылдызларынынъ иштираги иле акция башланды. Бу белли русиели музыкантлар Лариса Долина, Игорь Скляр ве Сергей Мазаев олдылар. Оларнынъ селямлашувы ве Коктебельни зиярет этмеге даветнамелери иле аудироликлерни Къырымгъа учып кельген эписи мусафирлер коре биледжеклер. Акъмесджит ава лиманы акция ичюн тесадюфен сечильмеди: бу ярымаданынъ эсас лиманы, ве чокъусы туристлер, эм де Koktebel Jazz Party фестивалининъ сейирджилери оны озь маршрутынынъ къысмына чевирдилер.
«Симферополь» халкъара ава лиманынынъ акимиет органлары ве джемаатчылыкънен багъ боюнджа мудири Игорь Лаптев бойле къайд этти: «Акъмесджит ава лиманы эр вакъыт арт-лейхаларгъа къолтутмагъа азыр, хусусан энди бутюн дюньяда белли олгъан Koktebel Jazz Party фестивали киби тедбирлерге. Лариса Долина, Сергей Мазаев ве Игорь Скляр киби намлы чалгъыджылар бизим ава лиманымызнынъ сеслери олгъанындан пек мемнюнмиз. Аудиоселямлашувлар – бу бизим ёлджуларымызны беклеген екяне сюрприз дегиль. Фестиваль арфесинде юк чыкъарылгъан залда фестивальге багъышлангъан фотозоналар ерлештириледжек. Къырымгъа учып кельген эр бир киши фото чекип, фестиваль ве Акъмесджитнинъ ава лиманы багъышлагъан яхшы кейф парчачыгъыны озюнен алып кетмеге имкяны оладжакъ».
Августнынъ учюнджи автасынынъ джума кунюнден базар кунюнедже Koktebel Jazz Party фестивалининъ мусафирлерини чокътан-чокъ музыкаль багъшышлар беклей. Онынъ Русиели иштиракчилери арасында - Русиели боразанджы Петр Востоковнынъ реберлигинде буюк джаз оркестри, Esh адлы бразиль джаз ансамбли, Яков Окуннинъ йылдызлы ансамбли, Русие халкъ артисти Даниила Крамернинъ триосы, вокалджылар Лариса Долина ве Мариам Мерабова. Программада эм де Bril Family чыкъышлары оладжакъ – бу ерли джазнынъ патриархы Игорь Брильнинъ ве онынъ огъланлары, саксофонджылар Александр ве Дмитрий, Сергей Головнянынъ реберлигинде «SG BIG BAND» ве Русиенинъ халкъ артисти Игорь Склярнынъ биг-бэнди, Jazz Classic Community группа иле, Анастасия Лютова ве онынъ «Лютый бенд» адлы теркиби ве чокъусы дигерлер. Фестивальнинъ экинджи куню «Моральный кодекс» рок-такъымы хедлайнер оладжакъ.
Koktebel Jazz Party-2020 фестивалинде эм де четэль иджраджылары иштирак этеджек – адетинже оларнынъ адлары ачылув куню, августнинъ 21-де такъдим этиледжек. Джаз эписи сынъырларны силе ве атта карантин сынъырланувлар девиринде бирлештире, деген фикирни тасдыкълап, дюнья джазынынъ йылдызлары «Ышыкъ сурьаты иле джаз» адлы программада иштирак этеджеклер, о, телекопюр форматында кечеджек.
Июльнинъ ортасындан Koktebel Jazz Party-2020 фестивалине кутьлевий малюмат васталары ичюн аккредитация башланды. Аризаны фестивальнинъ koktebel-jazz.ru сайтында къалдырмакъ мумкюн. Аккредитация фестивальни айдынлатмагъа, матбуат-меркезде булунмагъа, концертлер девамында матбуат-тедбирлерни ве партерни зиярет этмеге, эм де Акъмесджит – Коктебель – Акъмесджит маршруты боюнджа трансфер иле къулланмагъа акъ бере. Фестиваль кечирильген куньлери онынъ тедбирлери акъкъында оператив малюмат sms-месаджлар ве e-mail вастасы иле даркъатыладжакъ. Koktebel Jazz Party фестивалине билетлерни фестивальнинъ сайтында сатын алмакъ я да +74956442222 телефон вастасынен сымарыш этмек мумкюн. Фестиваль иштиракчилерининъ ве онынъ сейирджилерининъ хавфсызлыгъы темин этильмеси ичюн, фестивальнинъ тешкилий комитети тарафындан коронавирус боюнджа Роспотребнадзор идаресининъ эписи санитар талаплары риает этиледжек.