Koktebel Jazz Party-2020 адлы халкъара фестиваль ве онынъ информацион шериги tvzavr интернет-кинотеатри меломанлар ичюн кинолар джедвелини такъдим эттилер. Оны бакъып, джаз авескярлары Къырымда язнынъ эсас музыкаль вакъиасына азырлана билелер. Фестиваль артистик Коктебель къасабасында августнынъ 21-23 куньлери кечеджек.
Джедвельге жанр йылдызлары акъкъында байопиклер, эм де джаз ве дигер акъынтыларнынъ тарихы акъкъында малюмат берген кинофильмлер кирди. Бу джаздан пейда олгъан я да онынъ шекилленмесине тесир эткен акъынтылардыр. Оларнынъ арасында Майлз Дэвис акъкъында «В погоне за Майлзом / Убить трубача» фильм, совет джазынынъ эфсанеси акъкъында «Утесов. Песня длиною в жизнь» деп, адландырылгъан мини-сериал ве чокъусы дигер фильмлер кирди. Олар атта энъ бильгили адамларны меракъландыла биле. Оларны бедава я да имтиязлы язылув боюнджа сейир этмек мумкюн: https://www.tvzavr.ru/collections/koktebel-jazz-party-predstavlyaet-podborka-filmov-dlya-tekh-kto-lyubit-dzhaz/.
Koktebel Jazz Party-2020 фестивалининъ Русиели иштиракчилери арасында – боразанджы Петр Востоковнынъ реберлигинде буюк джаз оркестри, Esh адлы бразиль джаз ансамбли, Яков Окуннинъ йылдызлы ансамбли, Русие халкъ артисти Даниила Крамернинъ триосы, вокалджылар Лариса Долина, Хибла Герзмава ве Мариам Мерабова. Программада эм де Bril Family чыкъышлары оладжакъ – бу ерли джазнынъ патриархы Игорь Брильнинъ ве онынъ огъланлары, саксофонджылар Александр ве Дмитрий, Сергей Головнянынъ реберлигинде «SG BIG BAND» ве Русиенинъ халкъ артисти Игорь Склярнынъ биг-бэнди, Jazz Classic Community группа иле, Анастасия Лютова ве онынъ «Лютый бенд» адлы теркиби ве чокъусы дигерлер.
Джаз эписи сынъырларны силе ве атта карантин сынъырланувлар девиринде бирлештире, деген фикирни тасдыкълап, дюнья джазынынъ йылдызлары «Ышыкъ сурьаты иле джаз» адлы программада иштирак этеджеклер, о, телекопюр форматында кечеджек.
tvzavr – Русиеде ве СНГ мемлекетлеринде энъ тез оськен интернет-кинотеатрлерден биридир. Сервиснинъ коллекциясында тахминен 55 бинъ нусха контент бар – дюнья блокбастерлери, кинопрокатнынъ янъы эсерлери, балалар ичюн фильмлер, эм де дюньявий кинофестиваллерде гъилип чыкъкъан ве иштирак эткен фильмлер. Тюшюнип тизильген араштырув системасы къулланыджыларгъа рейтинг, чыкъарылгъан мемлекет, сесленюв ве тасвирлев боюнджа фильмлерни тапмагъа имкян бере.
Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), озь инновацион техник иджрасынен белли олгъан американ бас-гитараджы ве контрабасчы Стэнли Кларк, ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль), Гейдельбергтен De-Phazz алман группасы зиярет эттилер. KJP-2017 тедбирининъ мусафири РФ президенти Владимир Путин олды.
Koktebel Jazz Party – бу тек дюнья севиедеки джаз дегиль, бу музыка, денъиз, вуджут ве гонъюльнинъ екяне вибрациясыны догъургъан акъикъий азатлыкътыр. Фестивальни «Россия сегодня» халкъара информацион агентлиги кечире. Фестиваль тешкиль этилювинен «Красный квадрат» адлы медиагруппа огъраша. 2014 сенеден берли Koktebel Jazz Party Русие Федерациясы медениет везирлигининъ дестеги иле кечириле.
Koktebel Jazz Party фестивалининъ информацион шериклери оларакъ: ВГТРК, Радио JAZZ 89.1 FM, интернет-кинотеатр tvzavr, TimeOut.ru интернет-ресурс ве радио Sputnik оладжакълар.