Джаз ичюн — Кектебельге!
Хаберлер

Коктебельде Koktebel Jazz Party фестивалинде мектеп янында «Джаз аллеясы» сачылды

"Джазовую аллею" высадили у школы в Коктебеле на Koktebel Jazz Party

Коктебельде И.И.Березнюк адына мектепнинъ территориясында 25 серви туяларындан аллеясы сачылды. Бу Koktebel Jazz Partyнинъ 19-йыллыгъына багъышлангъан экоакция олды.

Тереклер сачылувында гонъюллилер ве мектеп талебелеринен берабер джаз фестивальнинъ темельджиси Дмитрий Киселёв, «Россия 24» телеканалынынъ баш муаррири Евгений Бекасов, Русие журналистлери  бирлигининъ реиси Владимир Соловьёв, «Комсомольская правда» неширлик эви генераль мудирининъ муавини Роман Карманов, эм де блогер, YouTube каналында «Изолента» адлы блогнынъ темельджиси Трофим Татаренков ве фестивальнинъ дигер мусафирлери иштирак эттилер.

«Бугуньки экоакция табиат ресурсларына месулиетли янашувнынъ гъаелери тамырлашувынынъ ве амельге кечирилювининъ башлангъыч басамагъы олды. Биз орьнек олмагъа, дигерлерге сильтем бермеге истеймиз. Меним фикиримдже, къырымлылар озьлери озь Русиели ярымадасынынъ, озь топрагъынынъ инкишафында даа чокъ гъайрет ве месулиетлик бильдирмелилер», – деп, къайд этти Киселёв.

Эр бир серви терегине дюньяджа белли джаз хитынынъ ады берильди.

Акциянынъ сонъунда Киселёв мектеп мудирине Сергей Жирадковгъа «Джазовая аллея» адлы экозона оларнынъ мулькиети олгъаны акъта шеадетнамени тантаналы шекильде багъышлады.

Koktebel Jazz Party халкъара фестивали артистик Коктебель къасабасында августнынъ 20-22 куньлери кечеджек. Фестивальнинъ тешкилий комитетинде хабер эткенлери киби, мусафирлер мейдангъа кечмелери ичюн я 2021 сене августнынъ 18-недже япылгъан менфий ПЦР-тест (оны фестивальнинъ эписи куньлери косьтермек мумкюн), я 2021 сене майыснынъ 25-ден сонъ япылгъан S-акъына антителалар олмасы акъта весикъаны, я да коронавирустан ашылама япылгъаны акъкъында сертификатны такъдим этмелилер. Артистлер ве вип-мусафирлер, фестивальнинъ хадимлери ве кутьлевий малюмат васталарынынъ векиллери де керекли весикъалардан бирини такъдим этмелилер: ашылама япылгъаны акъкъында сертификат, антителалар олмасы акъта весикъа я менфий ПЦР-тест

2021 сене Koktebel Jazz Party концертлери янъы форматта кечеджек: музыкантларнынъ чыкъышларыны телевизион съемка форматында сейир этмек мумкюн олур. Фестивальнинъ яйынлавыны онынъ сайтында ве ичтимаий агъларда тапмакъ мумкюн оладжакъ. Концертлер девамында сейирджилернинъ сайысы сынъырлы олур.

Koktebel Jazz Party 2003 сене журналист Дмитрий Киселёвнинъ шахсий тешеббюси оларакъ пейда олды. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), «Грэмми» мукяфатына дефаларджа наиль олгъан боразанджы Рэнди Брекер (АКъШ), сонъки 10 йыл девамында энъ яхшы баритон-саксофонджы Гари Смульян (АКъШ), ню-джаз йылдызлары Club Des Belugas (Алмания), дюньяда земаневий блюз санасынынъ векиллеринден бири, гитараджы Селвин Бёрчвуд (АКъШ) зиярет эттилер.

KJP-2017 тедбирининъ мусафири РФ президенти Владимир Путин олды. Фестиваль тешкиль этилювинен «Красный квадрат» адлы медиагруппа огъраша.

Артка