Джаз ичюн — Кектебельге!
Хаберлер

Koktebel Jazz Party-2021 фестивали янъы форматта кечеджек

Koktebel Jazz Party-2021 фестивали янъы форматта кечеджек

Эр йыл кечирильген Koktebel Jazz Party халкъара джаз фестивалининъ концертлери (августнынъ 20 – 22) янъы форматта кечеджек: музыкантларнынъ чыкъышларыны телевизион съемка форматында сейир этмек мумкюн олур. Фестивальнинъ яйынлавыны онынъ сайтында ве ичтимаий агъларда тапмакъ мумкюн оладжакъ. Концертлер девамында сейирджилернинъ сайысы сынъырлы олур.

Бу аллар COVID-19 пандемиясы девиринде хавфсызлыкъ талаплары иле багълы. Эвеллери Коктебель джазынынъ темель къоюджысы, журналист Дмитрий Киселев къайд этти ки, 2021 сене Koktebel Jazz Party саде фестиваль киби дегиль де, ковидке къаршы акция оларакъ кечеджек, деди. О, эм де къайд этти ки, ковид-хавфсызлыкъ тедбирнинъ экинджи исми оладжакъ ве Коктебельде антителалар севиеси, мейданда джазнынъ градуслары киби, энъ юксек дереджеге котериледжек. 

Августнынъ 20-22 куньлери Koktebel Jazz Party фестивалининъ мусафирлерини чокъ музыкаль сюрпризлер беклей. Онынъ Русиели иштиракчилери арасында - «Уральский диксиленд» адлы постсовет девиринде энъ эски аньаневий джаз ансамбллеринден бири, джаз пианоджылары Даниил Крамер ве Валерий Гороховский, саксофонджы Станислав Должковнынъ коллективи, Георгий Гараняннынъ биг-бэнди (Краснодар), чалгъыджы ве бестекяр Сергей Головня ве онынъ Electro Machine ансамбли, йырджы Мариам Мерабова ве Армен Мерабовнынъ «Miraif» адлы проекти, эфсаневий «Три-О» адлы интуитив музыка ансамбли, пианистоджы Алексей Беккернинъ «Снобы» адлы квартите ве дигер коллективлер ве солистлер.

Четэль иджраджылар да 2021 сене кечирильген фестивальде иштирак этеджеклер. Адетиндже, оларнынъ адларыны ачылув куню, августнынъ 20-де такъдим этеджеклер. Koktebel Jazz Party фестивали иштиракчилерининъ джедвели иле онынъ сайтында таныш олмакъ мумкюн. Джедвельге адлар къошулмасы ве о янъартылувы мумкюн.

«Koktebel Jazz Party» фестивали - COVID-19-дан бош территория. Агъыр эпидемиологик вазиет себебинден фестивальге етип кельмек шартлары денъише биле. Бу аллар регионда эпидемиологик вазиетке ве Роспотребнадзор идаресининъ тевсиелерине коре денъиштириле биле. Шимдики вакъытта фестивальге кечмек ичюн учь весикъадан ич олмадым бири олмалы:

  • Менфий ПЦР-тест, о, 2021 сене августнынъ 18-ден сонъ япылмалы
  • COVID-19 S-акъына антителалар олмасы акъта весикъа, о, 2021 сене майыснынъ 25-ден сонъ япылмалы
  • COVID-19-дан ашылама япылгъаны акъкъында сертификат

 

Коктебельде джаз фестивали 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси оларакъ пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), озь инновацион техникасынен белли американ бас-гитараджы ве контрабасчы Стэнли Кларк, ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль), Гейдельбергтен алман De-Phazz группасы зиярет эттилер. KJP-2017 тедбирининъ мусафири РФ президенти Владимир Путин олды.

Koktebel Jazz Party — бу тек дюнья севиедеки джаз дегиль, бу музыка, денъиз, вуджут ве гонъюльнинъ екяне вибрациясыны догъургъан акъикъий азатлыкътыр. Фестиваль тешкиль этилювинен «Красный квадрат» адлы медиагруппа огъраша.

Rap Koktebel — яшлар рэп-медениети ве музыкасынынъ фестивали, Къырымда ильк сефер 2019 сене августнынъ сонъунда кечти. Онынъ кечирилювининъ тешеббюсчиси де Дмитрий Киселев олды.

Koktebel Jazz Party фестивалининъ генераль информацион шериклери: «Россия: телевидение и радио», СМОТРИМ мультимедиа-темели ве «Россия - Культура» телеканалы.

Фестивальнинъ музыкаль шериги Радио JAZZ 89.1 FM оладжакъ.

Koktebel Jazz Party фестивалининъ информацион шериклери: РИА Новости, TimeOut.ru интернет-ресурсы, Изолента live каналы, «Москва 24» телеканалы, Sputnik радиосы, "Комсомольская правда" KP.RU сайты, «Аргументы и факты», ве РИА Новости Крым агентлиги.

Артка